ابوذيات
***************************
***************************
روحي تموت بعد افراك ....خلها
وياظالم لاتهيج جروح ......خلها
لزم ايدي الطبيب وصحت ..خلها
المرض بالگلب جا شلك بديه
***************************
فقير وما دنت فد يوم.....نفساي
وابد ما شح عله مخلوك....نفساي
اليذمني مرة خل يصير.....نفساي
ويفكر مــن بعدهــا الطعــن بيه
***************************
فــوگ 12يــبدي الحزن #والهيم
يدك واير ع بجايه الصبر #والهيم
وعلي راح استچن بالچول #والهيم
لمــا طــارشكـم يـــروح عـــليه??
شخص طرد والده من البيت بسبب #زوجته
گعد وره البيت#يحاچيه
***************************
اجر النفس مدري اشلون ……ردناي
طويله وما گصرها العوز…….ردناي
صحتله اعليك داحي الباب…..ردني
رجع غمني اعله گصتي وسحل #بيه?
***************************
ليالي الشوك ع المشتاك .........مرات
وعلى كلمن فكد خلاه ............مرات
اذا وجهك يمرني بطيف ..........مرات
***************************
رسم بیه الزمان اشلون خطه
ابقلم من ضیم گلبی الوان خطه
ادگ اعله الفرح مشغول خطه
یجاوبنی الحزن ویرد علیه
***************************
علي ثوب الونين اشكثر حالي
شباب وهل شبيت من دون حالي
انشدج على احوالج مثل حالي
طايح والهموم اتشييل بيه
***************************
اعله حبك مستعد اصرخ ولاهيد
ومن شوفتك مابطل ولاهيد
عليك الناس اذا هدو ولاهيد
اضمك يلترف مابين اديه
***************************
وعلي حيل الليالي وياي... #يارن
هدمن حيلي ولعند الكلب #يارن
عميت ومابعدلي عيون ....#يارن
طريجي والجريب #ابعدعليه
😔
***************************
عاتبت گلبي وحيل بعتابي لحيت
للمشو هم تشتاگ گال اسمع البيت
يمن ماشي بتوالي الليل.... ها عود
چنت شجرة وصرت بجفاك.. هاعود
ابشرك من رحت يفلان.......... هاعود
بقه بس النفس يندار بيه
***************************
قفل عني قطار الشوگ بـعداك
ومنو الغيرك عليه يلوگ بعداك
شوف اعداي شدو حلف بعداك
وبيـــارغ عــــلگو بجفـــاك الـــيه
***************************
ابوسك من طرف شفتك ...... واجرهه
واون حسرات للعالم ..... وجرهه
أجيب الروح يم بيتك ..... واجرهه
واصيح بصوت احبك مو بديه ؟
***************************
يضل اسمك بكلبي ........ مالي غيره
تره الي ينكر عشرتك ........ ماله غيره
ولو تطلب كلبي الي ........ مالي غيره
انطيك الكلب. وعيوني هديه
***************************
اسطر ذكرياتي وياك ........ رف رف
وحس كلبي بسعير الشوك ........ رف رف
تكص جنحي وتكلي ارجوك ........ رف رف
شرفرف والجنح بيدك كسرته
***************************
دوري لاتعلي الصوت/يرحاي
كبر مااشوف يزغر بعد/يرحاي
كافي انوب الزمي الصبر/يرحاي
أكتم خاف شامت يمر بيه..
***************************
زماني شال مني الضحك ،،،ونحاط