مجموعة دارمي | دارميات 2
***************************
***************************
عن غايه ادوس اعليك والخوة ذيجه
ينعدل من ينداس كسر الغليجه
***************************
سالمني من بعيد لا تدنه اليه
بعيوني اجيسك خاف خشنات اديه
***************************
مسودن واجدي اخبار بدروبك بطوس
ذابحني عوزي عليك مو عوزي الفلوس
***************************
كون اكعد من النوم والكه انته يمي
جا كلت ربي اليوم سامع دعا امي ..؟
***************************
من خيروني ابين ولفي وهلي وماي
موش اني جفي اندار واشر عله اهواي
***************************
عندي اكلك هاك ما افرح يجوز
استلذ من انطيك واني بوكت عوز
***************************
لو ادري بيه يصير جا اله اسويه
ثوب امي البسه جماغ واتعكل عليه
***************************
جبته ولبسته الثوب واكصير ادريه
جي ربعي كالو فيت هالمستعز بيه
***************************
غلبه وشريته بساع غراني سوكه
ماصرت مثل الناس تشري التضوكه
***************************
مرّت وشفته هواي يشبهني ابنها
من كثر ما حطيت راسي بحضنها
***************************